كيفية التعامل مع اشتباه جلطات المخ
أشهر ١٠ أخطاء و تصحيحهم في التعامل مع اشتباه جلطات المخ الأخطاء دي ممكن تأخر الحاله وتفوت فرص الإنقاذ في الأول عشان نتفقامتي نشك في وجود جلطه او نزيف بالمخ ؟
١-لو ظهر تقل او تنميل في ايد او رجل
٢-تقل في اللسان أو الكلام
٣- عدم اتزان مفاجيء في المشي
شوف بقي كم الأخطاء المتكررة اللي بنشوفها يوميًا.
الخطأ الاول: نطلب دكتور في البيت بسرعه او نتصل نحجز ميعاد مع الدكتور بتاعه عشان نزوره في العياده او نبعت للدكتور علي الواطص😏التصحيح : توجه مباشره الي اقرب مستشفي .. متضيعش وقت ..
الثانيه بتفرق
الخطأ التاني: نروح المستوصف اللي جنب البيت او أقرب مستشفي التصحيح: نروح أقرب مستشفي "كبير "يكون فيها جهاز اشعه مقطعيه ووحده علاج السكتات الدماغية(اللي هي الجلطات او النزيف) .. لازم تبقي عارف من دلوقتي أقرب مستشفي لبيتك فيها الإمكانيات دي
الخطأ التالت: اصبر شويه عليه .. جايز لما يأكل و يشرب و يفوق كده يتحسن .. و لو مااتحسنش نبقي نروح للدكتورالتصحيح: توجه مباشره الي اقرب مستشفي .. متضيعش وقت .. الثانيه بتفرق .. لازم توصل المستشفي في خلال اول ٤ ساعات ونصف عشان يلحق ياخد العقار المذيب للجلطات
الخطأ الرابع: اديله اسبرين بسرعه .. عشان يدوب الجلطهالتصحيح: ماتديش حاجه من دماغك .. اعراض الجلطه شبه النزيف بالضبط .. و الأسبرين ممكن يزود النزيف
الخطأ الخامس: اطلب الإسعاف..!!التصحيح: لو عارف الإسعاف هيتأخر .. و معاك عربيه و تقدر تنقل المريض بنفسك اعمل كده ( لحين ما يتوفر عندنا خدمه عربه الإسعاف المجهزه لعلاج السكتات الدماغية )
الخطأ السادس: نروح مستشفي قريبه و نقيس الضغط يطلع عالي و يتم خفضه بشكل سريع و فجائي (لازكس و ابيلات مخروم تحت اللسان😂)التصحيح: الخفض التدريجي و البطيء جدا للضغط .. الخفض السريع قد يسرع و قد يزيد حجم الجلطه
الخطأ السابع: الاعراض اتحسنت بعد ربع و لا نص ساعه .. فاعتبرنا انها حاله عاديه نتيجه إرهاق او عصبيه او عدم أكلالتصحيح: دي حاجه اسمها TIA يعني نقص مؤقت في وصول الدم للمخ و هي جرس إنذار لحدوث جلطه و يجب التعامل معها بنفس الاهتمام
الخطأ التامن: عملنا اشعه مقطعيه علي المخ و طلعت سليمه الحمد لله .. فروحنا البيت!! التصحيح: الاشعه المقطعيه علي المخ في اول ٤٨ ساعه بتبقي سليمه و بنعمل الاشعه للتأكد من عدم وجود نزيف اللي بيبان مباشره
الخطأ التاسع: نديله الحقن اللي تحت الجلد عشان تدوب الجلطه التصحيح: الحقن اللي تحت الجلد مش بتدوب الجلطات ..الحقن المذيبه للجلطه تعطي بالوريد في اول ٤ ساعات و نصف من حدوثها بعد استيفاء المريض الشروط اللازمة لاعطائها
الخطأ العاشر: المستشفيات الحكوميه بهدله و مفيهاش اهتماما لتصحيح : وحدات السكتات الدماغية الموجوده في المستشفيات الجامعية و مستشفيات وزاره الصحه حاليا علي اعلي مستوي و الأطباء الموجودين مدربين علي التعامل السريع مع اشتباه الجلطات عندنا في القصر العيني وحده هي الاكبر علي مستوي مصر و مجهزه علي أعلي مستوي و يتوافر بها العقار المذيب مجانًا(و يوجد كذلك بالدمرداش و الحسين الجامعي و بني سويف و المنصوره و الزقازيق و المنوفيه و الإسماعيلية والفيوم و كفر الشيخ و سوهاج ) متعكم الله بالصحه والعافيه
